ಮಂಜಿನ ಮುತ್ತು

ಮುಂಜಾವಿನ ಮಂಜು ಚಿಗುರಲೆಗೆ ಮುತ್ತಿಕ್ಕುವಾಗ, ಎಳೆ
ಸೂರ್ಯನ ಮೇಲೆ ಮುನಿಸಾಗಿರಲೂಬಹುದೇ??

ನೆತ್ತಿಯ ನೇಸರನ ಶಕ್ತಿಯ ಹೀರಿ ನಸುನಗುತ್ತ ಬೆಳೆದ
ಗಿಡಮರಬಳ್ಳಿಯು, ರವಿ ಜಾರಿ ಶಶಿ ಏರಲು ಕುಗ್ಗಿ-ಕೊರಗಿರಲೂಬಹುದೇ??

ಬೆಳ್ಳಿ ಬೆಳಕಲ್ಲಿ ಮುಗಿಲ ತೊಟ್ಟಿಲಲ್ಲಿ ಹಸಿರೆಲೆಯು ಮೊಗ್ಗಿಗೆ
ಲಾಲಿ ಹಾಡುತ್ತಿರಲು, ಇಬ್ಬನಿಯ ತಬ್ಬು ನಿದ್ದೆಗೆಡಿಸಿರಲೂಬಹುದೇ??

ಮುಂಜಾವಿನ ಮಂಜು ಚಿಗುರಲೆಗೆ ಮುತ್ತಿಕ್ಕುವಾಗ,
ಎಳೆ ಸೂರ್ಯನ ಮೇಲೆ ಮುನಿಸಾಗಿರಲೂಬಹುದೇ??