ಕಾಂತಾರ

“ಕಾಂತಾರ” ಕನ್ನಡ ಚಲನಚಿತ್ರದ ಟ್ರೈಲರ್ ನೋಡಿದಾಗ ನನ್ನ ಅನಿಸಿಕೆಯನ್ನು ಅಕ್ಷರರೂಪಕ್ಕೆ ತಂದಾಗ ಮೂಡಿದ ಸಾಲುಗಳು. ಕಾಂತಾರ ತಂಡದವರಿಗೆ ನನ್ನ ಅಭಿನಂದನೆಗಳು. ಬಹಳ ಅದ್ಭುತವಾಗಿ ಮೂಡಿಬಂದಿದೆ, ಚಿತ್ರದ ಬಿಡುಗಡೆಗೆ ಕಾಯುತ್ತಿದ್ದೇನೆ.

ಮೆರುಗಿನ ಕಾಡಿನ ನಡುವಲಿ ಒಂದು
ಬೆರಗಿನ ಕಥೆಯನು ಹೇಳಲು ಎಂದು
ಹೊರಟಿಹ ಕಾರಣಿಕನು ನಮ್ಮಯ ಬಂಧು.

ಚಾಟಿಯ ಕೋವಿಯ ನರ್ತನದಾಟ
ಕೆಸರಿನ ಗದ್ದೆಯ ಕಂಬಳದೋಟ
ಹಸುರಿನ ನಡುವಲಿ ಮರಗಳ್ಳರ ಕಾಟ.

ಆಳುವ ಅರಸನ ಕೇಳುವರಿಲ್ಲ
ದರ್ಪದ ಧೋರಣೆಗೆ ಜಾಗವೇ ಇಲ್ಲ
ಕಾಯುವ ದೈವವೇ ನಮಗೆಲ್ಲಾ.

ಕತ್ತಲ ರಾತ್ರಿ ಬಿತ್ತಿಹ ಭೀತಿ
ಪಂಜಿನ ದಂಡು ಹೊತ್ತಿಹ ರೀತಿ
ಬೆಂದಿಹುದಿದರಲಿ ಜೋಡಿಹಕ್ಕಿಯ ಪ್ರೀತಿ.