ಅಮೃತ ಮಹೋತ್ಸವ

ಬಂಧ ಮುಕ್ತರು ನಾವು,
ಆದರಿನ್ನೂ ಆರಿಲ್ಲ ದಾಸ್ಯದ ಕಾವು.

ಪರಕೀಯರ ಗುಲಾಮಗಿರಿಯಿಂದ ಸಿಕ್ಕಿತು ಗೆಲುವು,
ನಮ್ಮವರದೇ ದರ್ಪದಲಿ ನಾವಿನ್ನೂ ನಲುಗುತ್ತಿರುವ ಹೂವು.

ನಿಸ್ವಾರ್ಥ ನಿಷ್ಠೆಯ ನೆತ್ತರ ಹರಿವಿನ ಫಲವು
ಅದಕ್ಕಿಂದು ಅಮೃತ ಮಹೋತ್ಸವ ಸಂಭ್ರಮದ ಚೆಲುವು.

ಕುಟ್ಟಿ ಕೆಡವ ಬೇಕಿದೆ ನಮ್ಮೊಳಗಿನ ಜಡವು,
ಗಟ್ಟಿಗೊಳ್ಳಬೇಕಿದೆ ಭರತ ಪುತ್ರರ ದಿಟ್ಟ ಕನಸಿನ ನಿಲುವು.

ಕಾಡಬೇಕಿದೆ ನಮ್ಮವರ ತ್ಯಾಗ ಬಲಿದಾನದ ಕಾರಣವು,
ಮೂಡಬೇಕಿದೆ ಪ್ರಜಾಪ್ರಭುತ್ವದ ಮೂಲ ಮಂತ್ರದ ಅರಿವು.